نكت مغربية

موضوع: نكت مغربية الثلاثاء نوفمبر 24, 2009 11:11 am

السلام عليكم و رحمة الله و بركاته

-هدا واحد سول صاحبو شناهي ’pourquoi’ بالعربية جاوبو صاحبو علاش قاليه لا غير سولتك.

-قليكم هادا واحد المكلخ سخرو باه قليه هاك جيب 5 دراهم نعناع يلاه ولدو غايخرج قاليه هاك ها 5 دراهم واحدة خرا جيب بها الزعفران , دري غبر او هو يتم جاي تيجري سولو باه فين السخرة قاليه الدري الواليد فين 5 دراهم لينجيب بها الزعفران او فين ليغانجيب بها النعناع.

قال ليك هدا واحد الراجل أعمى كان غادي فطريق هوا يجي عندو واحد دري{طفل} تمتام بغا يوريه الطريق وصلوا لواحد الحفرة هوا يقول ليه الدري ححححححححححححححح حفرة أهما يطيحو لأعمى قال لمرة الجاية غي يقول حححححححح نقفز أهوا يقول ليه الدري حححححححححح أهوا يقفز أهوا يدخل فحيط

سيارة فيها كلشي بالكمبيوتر َتيْنَبه مولاها عند أي تجاوز..شعل كٌارو قاليه : اطفي اطفي الكٌارو .. حط رجله على الدواسة،الكونتور(العداد) طلع ل 80 كلم/ س قاليه : انتبه انتبه انت بسرعة ثمانين كلم/س.. زاد وَرﱠك طلع للمائة.. زاد ورك طلع لمياتين وهو يقول ليه :ناري ناري باغي تقتلني.. وقف وقف انت إلى عاجبك راسك أنا مغديش معاك يلاه نزلني وتلاح

..عدول جاو عندو امراة وراجل باش يعقد عليهم قال ليها شنو الإسم ديالك قالت ليه جميلة مني شاف فيها لقاها قبيحة وهو يلوح ليهم الوثائق وقال للشهود : سيرو بحالكم راكم غادين تشهدوا الزور

واحد اهدى لحبيبته وردة فرحات بها بزاف مقداتهاش الدنيا.. وهي تقول ليه : هذه الوردة عطيتيها لي من قلبك؟ قال ليها لا من الجردة..

محشش وقفو بوليسي ولاحظ بأن لوحة الأرقام الأمامية مختلفة على الي في الخلف قاليه : منين هدو ماتيتشابهوش فيها إن؟ مد ليه شي حاجة في يده وقال ليه : إن وأخواتها..علاه دبا انت وجهك تيشبه لكٌفاك..

محشش وقفو بوليسي وقال ليه : تامال الماتريكيل (رقم السيارة) مباينش؟ وهو يقول ليه: متخممش أخويا راني حافظو ﭘـ ا ركور (عن ظهر قلب)..

واحد مشى تيسول على صاحبه من مدة مشافو.. دق في باب الدار خرجت أمه .. قالت ليه صيفتناه أولدي يشري اللحم شهرين هذه مبان.. وقال ليها وشنو درتو قالت ليه الدجاج..

غبي تيتفرج في التلفزة وشاف واحد نقز من فوق عمارة عالية ومربوط بحبل وقال والله هذه تاساهلة .. اختار عمارة علوها 30مترواشترى حبل طوله 26مترطلع فوق العمارة وتلاح ..مني هبط راسو تغرس في الأرض ..الناس ﮔ اع قالو ولد فلان انتحر..في التحقيق ديال البوليس سولو الدرو ﮔ ري:شحال بعتي ليه من متر؟قال ليهم هو طلب لي 26متر ولكن مني باه صاحبي زدتو 4 مترومن عندي فابور..

واحد شاف صاحبو سكران تيكتب الثمنية برجليه معقلش على راسو ..خاف عليه لتجي السطافيط تديه قال ليه : مالك أصاحبي حالتك حالة.. يلاه يلاه نوصلك للدار..قال ليه عي خليني اخويا راني تنتسنى دارنا دوز وندخل ليها..يتوب عليك..

واحد دايز على سكران وهو يسولو على عنوان مكتوب عنده في ورقة .. شدها وتعطل في القراية مقفل والو.. وهو يقول ليه : هاد صاحبك مقالش ليك فين ساكن..

واحد فين ما تيسكر تيعجبو يكٌلس جنب الطريق..الطموبيل الي دازت تتكلاكسوني :طوط ..تيرد عليها: وعليكم السلام.. طوط .. وعليكم السلام..دايز واحد وهو يقول ليه : السلام عليكم ..وهو يقول ليه طوط..

واحد قال لصاحبه: مشيت للحمام وهو يدخل لي الماء لودني.. قال ليه: دخل ليها الضوء وكريها..

واحد جاه الوجع مشى عند الطبيب .. قال ليه شنو كليتي؟ قال ليه بيمو ديال الدجاج.. ضامات ديال البنة ماجي أو كنور....

شنو الفرق بين الحولي الجاهل والحولي المتعلم؟

الحولي الجاهل تيقول ماااء

والحولي المتعلم تيقول H2o

واحد قالو ليه مني تاكل سمي الله راه الشيطان تياكل معاك ناض دار السم في الماكلة

الدار الي فيها الأحول فيها البركة.. حيتاش تيشوف جوج من الحاجة .. هههههههههه

أحول ضرب راسو مع الحيط قال : آآح أمي رجلي..

قزم طاح من الطابق العاشر تعلق في التروتوار الرصيف..

واحد كال أوأكل صابونة .. بغى يغسل مصارنو..

مكلخ بغاو يعدبوه عطاوه ورقة مكتوب عليها من الوجهين إقلب الصفحة..

موضوع: رد: نكت مغربية الجمعة ديسمبر 11, 2009 6:01 am

هههههههههههههههههههههههه
ضحكتني بجد نعمة شكراا على هاد النكت

» سلطة مغربية
» حلويات مغربية للعيد1
» حلويات مغربية للعيد 3